आर्टमाण्डुको फिल्म ‘ऊनको स्वीटर’को फर्स्टलुक पोस्टर सार्वजनिक

काठमाडौं । विपिन कार्कीको शीर्ष भूमिका रहने फिल्म ‘ऊनको स्वीटर’को फर्स्टलुक पोस्टर सार्वजनिक भएको छ । आर्टमाण्डुका नवीन चौहान निर्देशित फिल्मको पोस्टरमा नयाँ ऊनको स्वीटर लगाएर फोटो खिच्नलाई पोज दिइरहेका विपिन र गुरुङ पहिरनमा मिरुना लिसरा मगर चित्रित छन् ।

थुप्रै म्युजिकल फिल्म निर्माण गरेर लोकप्रियता प्राप्त गरेको आर्टमाण्डुले पहिलो पटक फिचर फिल्म निर्माण गर्न लागेको हो । फिल्ममा विपिन र मिरुना लिसरा मगरसँगै एलेक्स विश्वकर्मा, मिलन खत्री र माओत्से गुरुङको मुख्य भूमिका छ । फिल्मलाई आगामी दशैंको छेकोमा रिलिज गर्ने योजना बनाए पनि मिति तय भइनसकेको निर्देशक चौहानले बताए ।

फिल्मलाई इलाम र पाँचथरमा छायांकन गरिने जनाइएको छ ।