नेपाली फोटोग्राफरको लेन्समा यस्तो देखियो ‘न्यूयोर्क फेसन विक’ (तस्वीर)

News Summary

Generated by OK AI. Editorially reviewed.

नेपाली फोटोग्राफर राजन काफ्लेले सेप्टेम्बर ११ देखि १६ सम्म न्यूयोर्क फेसन विकमा स्टाफ हाउस फोटोग्राफरको रुपमा तस्वीर खिचेका छन्।
फेसन विकमा स्प्रिङ-समर २०२६ र २०२५-२०२६ फल-विन्टरका पहिरन सार्वजनिक गरिएका थिए।
नेपाली मूलकी अमेरिकी डिजाइनर प्रबल गुरुङको डिजाइनमा इलन मस्ककी छोरी भिभियन जेन्ना विल्सनले डेब्यू गरेकी थिइन्।

न्यूयोर्क (अमेरिका) । नेपाली फोटोग्राफर राजन काफ्लेले विश्वचर्चित न्यूयोर्क फेसन विकमा ‘स्टाफ हाउस फोटोग्राफर’को रुपमा तस्वीर खिचे ।

यो फेसन शोलाई क्यामेरामा कैद गर्नु आफैंमा अविष्मरणीय र महत्वपूर्ण अवसर समेत हो । काफ्लेले यो क्षणलाई आफ्नो सपना पूरा भएको क्षणको रुपमा लिएका छन् ।

सेप्टेम्बर १० देखि १६ सम्म न्यूयोर्कमा शो आयोजना भयो । यस संस्करणमा स्प्रिङ-समर २०२६ र २०२५-२०२६ फल-विन्टरका पहिरन सार्वजनिक गरिए ।

यस संस्करणमा नेपाली मूलका अमेरिकी फेसन डिजाइनर प्रबल गुरुङको डिजाइनमा अर्बपति इलन मस्ककी ट्रान्स-मोडल छोरी भिभियन जेन्ना विल्सनले पनि डेब्यू गरेकी थिइन् ।

वर्षेनि आयोजना हुने यो शोमा कपडा र फेसन उद्योगका लागि नयाँ सिजनको डिजाइन, रंग र शैली प्रस्तुत गर्ने गरिन्छ । एक सातासम्म चल्ने कार्यक्रममा डिजाइनरहरुले आफ्ना नयाँ संग्रह रनवेमा प्रस्तुत गर्छन्, त्यसपछि बजारमा बिक्रीका लागि ल्याइन्छ ।

तस्वीरहरूः राजन काफ्ले/न्यूयोर्क