इनास ग्लोबलको अध्यक्षमा अर्जुन काफ्ले, छैटौं महाधिवेशन सम्पन्न

News Summary

Generated by OK AI. Editorially reviewed.

अन्तर्राष्ट्रिय नेपाली कलाकार समाज (इनास) ग्लोबल समितिको छैठौं महाधिवेशनले सन् २०२५ देखि २०२७ का लागि नयाँ नेतृत्व चयन गरेको छ।
ग्लोबल समितिको अध्यक्षमा बेल्जियम निवासी अर्जुन काफ्ले निर्वाचित भएका छन् भने उपाध्यक्षमा मित्रलाल पार्दे, राधी क्षेत्री, राजमान तामाङ र कुलराज थापा चयन भएका छन्।
महाधिवेशनमा युरोप क्षेत्रीय समितिलाई उत्कृष्ट क्षेत्रीय समिति र इनास डेनमार्कलाई उत्कृष्ट राष्ट्रिय समिति घोषणा गर्दै प्रमाणपत्र र ट्रफी प्रदान गरिएको थियो।

काठमाडौं । अन्तर्राष्ट्रिय नेपाली कलाकार समाज (इनास) ग्लोबल समितिको छैठौं महाधिवेशन सम्पन्न भएको छ ।

महाधिवेशनले सन् २०२५ देखि २०२७ को कार्यकालका लागि नयाँ नेतृत्व चयन गरेको छ । ग्लोबल समितिको नयाँ कार्यसमितिको अध्यक्षमा बेल्जियम निवासी अर्जुन काफ्ले निर्वाचित भएका छन् ।

उपाध्यक्षमा मित्रलाल पार्दे (पोल्याण्ड), राधी क्षेत्री (अमेरिका), राजमान तामाङ (डेनमार्क), कुलराज थापा (नेपाल) चयन भएका छन् ।

महासचिवमा प्रकाश तिवारी (आइसल्याण्ड), प्रवक्तामा आनन्दु लामा (अमेरिका), सचिवमा कृष्ण श्रेष्ठ (अमेरिका), कोषाध्यक्षमा रुपा न्यौपाने (नेपाल) र सह-कोषाध्यक्षमा कन्हैयासिंह परियार (अमेरिका) निर्वाचित भएका छन् ।

युरोप क्षेत्रीय समन्वय समितिको संयोजकमा सुनिल गुरुङ (जर्मनी), युरोप क्षेत्रीय संयोजकमा श्याम श्रेष्ठ (बेल्जियम), उत्तर अमेरिका क्षेत्रीय संयोजकमा राहुल केसी (अमेरिका) र एसिया क्षेत्रीय संयोजकमा दयाराम पाण्डेय (नेपाल) चयन भएका छन् ।

महाधिवेशनमा प्रमुख अतिथिको रुपमा संस्थापक अध्यक्ष पुष्प बरुवाल रहे भने कार्यक्रमको सभापतित्व तत्कालीन अध्यक्ष रामचन्द्र थापाले गरेका थिए । निर्वाचन समितिमा इनास ग्लोबलकी संरक्षकद्वय मीरा राणा र नीता श्रेष्ठ, तथा ग्लोबल सल्लाहकार प्रदीप बम्जन थिए ।

निर्वाचन समितिका तर्फबाट प्रदीप बम्जनले नयाँ पदाधिकारीलाई पद तथा गोपनीयताको शपथ ग्रहण गराए । कार्यक्रममा विभिन्न पदाधिकारीले शुभकामना मन्तव्यका साथै प्रतिवेदन प्रस्तुत गरे ।

उत्तर अमेरिका क्षेत्रीय समितिका संयोजक परियारले शुभकामना मन्तव्यसहित संक्षिप्त प्रतिवेदन प्रस्तुत गरे । महासचिव राजमान तामाङले सांगठनिक प्रतिवेदन र कोषाध्यक्ष थापाले आर्थिक प्रतिवेदन प्रस्तुत गरे ।

कार्यक्रम सञ्चालन तथा समन्वय गरेका ग्लोबल प्रवक्ता तथा युरोप क्षेत्रीय संयोजक प्रकाश तिवारीले युरोप क्षेत्रीय समितिको प्रतिवेदन प्रस्तुत गरे । कार्यसम्पादनका आधारमा युरोप क्षेत्रीय समितिलाई उत्कृष्ट क्षेत्रीय समिति र इनास डेनमार्कलाई उत्कृष्ट राष्ट्रिय समिति घोषणा गर्दै प्रमाणपत्र तथा ट्रफी प्रदान गरिएको थियो ।

संस्थाको उद्देश्यअनुरूपका विविध कार्यक्रममार्फत नेपाली भाषा, कला तथा संस्कृतिको प्रवद्र्धन र सम्वद्र्धनमा पुर्‍याएको योगदानको उच्च कदर गर्दै राष्ट्रिय समिति संयुक्त राज्य अमेरिकालाई प्रशंसापत्र प्रदान गरिएको छ ।