News Summary
Generated by OK AI. Editorially reviewed.- नेपाली कांग्रेसका सभापति गगन थापाले पुसको पहिलो साता जिल्ला अधिवेशन गर्ने तयारी रहेको बताएका छन् ।
- थापाले जिल्ला अधिवेशनपछि ३/४ दिनको अन्तरालमा प्रदेश अधिवेशन गर्ने र त्यसपछि स्थानीय तहको चुनावमा केन्द्रित हुने जानकारी गराएका छन् ।
- थापाले मंसिर ४ गते स्थानीय तह निर्वाचनको मिति छलफलका लागि निर्वाचन आयोगले दलहरूलाई बोलाएको जानकारी पनि कार्यकर्तालाई गराए ।
२९ कात्तिक, काठमाडौं । नेपाली कांग्रेसका सभापति गगन थापाले पुसको पहिलो साता जिल्ला अधिवेशन गर्ने तयारी रहेको बताएका छन् ।
छठ मनाउनका लागि सर्लाही पुगेका थापाले पुसको उक्त जानकारी गराएका हुन् । ‘टुंगो गर्न बाँकी छ । अहिलेसम्म मोटामोटी पुसको पहिलो साता जिल्ला अधिवेशन गर्छौ,’ सभापति थापाले भने,‘त्यसपछि थोरै अवधि ३/४ दिन राखेर प्रदेश अधिवेशन गर्छौ ।’
कांग्रेसले जिल्ला र प्रदेशको अधिवेशन बाँकी राखेर केन्द्रीय अधिवेशन असोजमा गरेको थियो । जिल्ला र प्रदेश अधिवेशन सके लगत्तै स्थानीय तहको चुनावमा केन्द्रित हुने थापाले जानकारी गराए ।
मंसिरको ४ गते स्थानीय तहको निर्वाचनको मिति बारे छलफल गर्न दलहरूलाई निर्वाचन आयोगले बोलाएको जानकारी पनि थापाले कार्यकर्तालाई गराए ।
छठका पर्व मनाउन गत निर्वाचनमा प्रतिस्पर्धा गरेको क्षेत्र सर्लाही–४ मा पुगेका थापा सोमबार काठमाडौं फर्कने छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4