+
+
Shares

एमालेले गत निर्वाचनको क्षतिपूर्ति आगामी निर्वाचनमा लिनसक्नुपर्छ : पद्‌मा अर्याल

अनलाइनखबर अनलाइनखबर
२०८३ मंसिर २ गते १४:२६

२ मंसिर, काठमाडौं । नेकपा एमालेकी सचिव पद्मा अर्यालले आगामी दिनमा आउनेसक्ने चुनौतीहरूको सामना गर्न पार्टी पूर्ण रूपमा तयार रहनुपर्ने बताएकी छन् ।

बुधबारबाट काठमाडौंमा सुरु एमालेको राष्ट्रिय भेलामा बोल्दै सचिव अर्यालले यस्तो बताएकी हुन् ।

उनले पार्टी शक्ति र पङ्तिलाई निष्क्रिय हुन नदिई त्यसलाई थप बलियो र सक्रिय बनाउँदै आगामी दिनमा आउनसक्ने राजनीतिक परीक्षण र चुनौतीहरूको सामना गर्न पूर्ण रुपमा तयार रहनुपर्ने बताइन् ।

अहिले जनतामा रहेका जिज्ञासा, प्रश्न र आलोचनाहरूलाई पन्छाउने नभई सवै प्रश्नहरूको सामना गर्दै स्पष्ट जवाफ दिन तयार हुनुपर्ने सचिव अर्यालले बताइन् ।

जनतासँग प्रत्यक्ष संवाद गर्ने, उनीहरूको कुरा सुन्ने र पार्टीसँग जोड्ने कार्यमा कार्यकर्ताहरू सक्रिय रूपमा लाग्नुपर्ने उनको भनाइ छ ।

उनले देश निर्माण गर्ने मूल पार्टी एमाले नै हो भन्ने यथार्थलाई बुझ्दै पार्टीलाई अझ बढी सशक्त र बलियो बनाउन सबैले आ–आफ्नो स्थानबाट जिम्मेवारी बहन गर्नुपर्ने धारणा समेत राखिन् ।

सचिव अर्यालले गत निर्वाचनको क्षतिपूर्ति आगामी निर्वाचनबाट लिनसक्ने गरि एकजुट भएर अघि बढ्नुपर्नेमा जोड दिइन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?