+
+
Shares

स्थानीय तह बलियो हुँदा मात्रै संघीयताको महसुस हुन्छ : ओली

राष्ट्रपति, प्रधानमन्त्री, मन्त्री गाउँ–गाउँ पुग्न नसक्ने बताउँदै उनले राज्यको प्रतिनिधिको रूपमा स्थानीय तहका प्रतिनिधि जनताका घरघर पुग्नुपर्ने बताए ।

अनलाइनखबर अनलाइनखबर
२०८३ मंसिर ४ गते १६:५१

४ मंसिर, काठमाडौं । नेकपा एमालेका अध्यक्ष केपी शर्मा ओलीले स्थानीय तह सबल हुँदा विकासमा तीव्रता आउने बताएका छन् ।

शुक्रबार एमालेबाट निर्वाचित स्थानीय तहका जनप्रतिनिधिहरूको भेलालाई सम्बोधन गर्दै उनले यस्तो बताइका हुन् ।

‘स्थानीय तहको सवलीकरणका कुरा गर्दा एमालेको ०५१ सालको सरकारलाई भुल्नु हुँदैन’, ओलीले भने ‘त्यतिबेला जनश्रमदान गरेर गाउँ गाउँमा सडक र नहर बनाउने कामको थालनी एमालेले नै गरेको हो ।’

अध्यक्ष ओलीले स्थानीय तह सवलीकरण हुँदा देशलाई कुनै हानी नहुने बताए । उनले स्थानीयलाई स्वायत्तता दिनुपर्ने बताए । उनले भने, ‘स्थानीय तहलाई कार्यकारी, विधायिकी र न्यायिक अधिकार दिनुपर्दछ । सक्षम स्थानीय तहबाटै जनताले संघीयताको अनुभुत गर्न पाउँछन् ।’

राष्ट्रपति, प्रधानमन्त्री, मन्त्री गाउँ–गाउँ पुग्न नसक्ने बताउँदै उनले राज्यको प्रतिनिधिको रूपमा स्थानीय तहका प्रतिनिधि जनताका घरघर पुग्नुपर्ने बताए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?