‘महानायक’ विवादमा शोभितले चालेको नयाँ चाल

निर्देशक शोभित बस्नेतले बारम्बार भन्दै आएको एउटै कुरा के हो भने, नायक राजेश हमालले चलचित्रमा काम गर्न बाहेक यो क्षेत्रका लागि कुनै पनि योगदान गरेका छैनन् । यसैले, उनी ‘महानायक’ हुनै सक्दैनन् । यो बयानमा शोभितले लामो समयदेखि दर्शककोे गाली समेत सहनुपरेको थियो । तर, पनि शोभित यो बिषयमा टसमस भएका थिएनन् ।

चलचित्र ‘डाँडाको वर पीपल’को गीत रिलिज कार्यक्रममा पनि शोभितले यही कुरा दोहोर्याए । उनले भने–‘नायक भुवन केसीले चलचित्र खेले, यसैमा लगानी गरे । आफ्नी श्रीमतीलाई अरुको अंगालोमा नचाए । छोेरालाई पनि यही क्षेत्रमा ल्याए । यसैले, उनी महानायक हुन् ।’

शोेभितको यो बयानले फेरि बिबाद खडा गर्यो । बिबादले यति उग्र रुप लियो कि, असोज २६ गतेबाट रिलिज हुन लागेको उनी निर्देशित ३१ औं चलचित्र ‘डाँडाकोे वर पीपल’ नै अप्ठ्यारोमा पर्ने देखियो ।

यो पनि पढ्नुहोस

म गलत रहेछु, ‘महानायक’ राजेश हमाल नै हुन् : शोभित बस्नेत

यसपछि भने शोभितले नयाँ चाल चले । उनले, चलचित्रको ट्रेलर रिलिज कार्यक्रममा मुख्य कलाकारहरु शिव श्रेष्ठ, भुवन केसी, गौरी मल्ललाई बोलाएनन् । बरु, राजेश हमालको तस्वीरलाई प्रमुख अतिथी बनाएर कार्यक्रम आयोजना गरे ।

उनले, यो कार्यक्रममा भनेका छन्–‘मलाई लाग्थ्यो केही व्यक्तिले दिएको महानायक भन्दा सुपरस्टारकोे उपाधि ठूलो हो । तर, म गलत रहेछु । आजदेखि म राजेश हमाललाई ‘महानायक’ र भुवन केसीलाई ‘सुपरस्टार’ भन्नेछु ।’
शोेभितले यो बयानमा पनि घुमाउरो शैलीमा ‘महानायक भन्दा सुपरस्टार’ नै ठूलो उपाधि हो भनेर दर्शाउन खोजेका छन् ।

लामो समयदेखि ‘महानायक’ बिबादमा मुछिएपनि बोली नफेरेका शोभितले चलचित्र चल्ने बेलामा आएर माफी माग्दै बोली फेर्नुको पछाडि, उनले चलचित्र रिलिजको समयमा बिबाद नहोस् भन्ने चाहेको देखिन्छ ।