जेनजी प्रदर्शनमा ज्‍यान गुमाएकाको सम्झनामा मैनबत्ती बालेर श्रद्धाञ्जली सभा (तस्वीरहरू)

News Summary

Generated by OK AI. Editorially reviewed.

जेनजी प्रदर्शनका क्रममा मृत्यु भएकाको सम्झनामा त्रिवि शिक्षण अस्पतालमा मैनबत्ती बालेर श्रद्धाञ्जली सभा आयोजना गरिएको छ।
स्वास्थ्य मन्त्रालयका अनुसार प्रदर्शनमा मृत्यु हुनेको संख्या ३४ पुगेको छ र १ हजार ३६८ घाइतेमध्ये ३२१ अस्पतालमा उपचाररत छन्।
मन्त्रालयका प्रवक्ता डा. प्रकाश बुढाथोकीले ९४९ जना डिस्चार्ज भइसकेको र विभिन्न अस्पतालमा मृत्यु भएका विवरण सार्वजनिक गरेका छन्।

२६ भदौ, काठमाडौं। जेनजी प्रदर्शनका क्रममा मृत्यु भएकाको सम्झनामा मैनबत्ती बालेर श्रद्धाञ्जली सभा आयोजना गरिएको छ ।

त्रिवि शिक्षण अस्पतालमा रहेका मृतकको सम्झनामा उनका आफन्तहरूले मैनबत्ती बालेर श्रद्धाञ्जली सभा आयोजना गरेका हुन् ।

श्रद्धाञ्जली सभामा उनका आफन्तहरू भावविह्वल अवस्थामा देखिन्थे। स्वास्थ्य मन्त्रालयका अनुसार विभिन्न अस्पतालबाट लिएको विवरण अनुसार, मृतकको संख्या ३४ पुगेको छ ।

प्रदर्शनका क्रममा घाइते भएका १ हजार ३६८ जनामध्ये ३२१ जना अस्पतालमा उपचाररत छन् ।

हालसम्म ९४९ जना डिस्चार्ज भएको मन्त्रालयका प्रवक्ता डा. प्रकाश बुढाथोकीले जानकारी दिए ।

मन्त्रालयका अनुसार काठमाडौंको राष्ट्रिय ट्रमा सेन्टरमा ८, सिभिल अस्पतालमा ६, भेरी अस्पतालमा ५ जना, एभरेष्ट अस्पतालमा ३, फ्रन्टलाइन अस्पतालमा ३, केएमसी अस्पतालमा २, बीपी कोइराला स्वास्थ्य विज्ञान प्रतिष्ठान धरानमा २, काठमाडौंको बयोधा अस्पतालमा २ र त्रिवि शिक्षण अस्पताल, विराटनगरको बिर्तासिटी अस्पताल, बीएनसी अस्पतालमा एक–एक जनाको मृत्यु भएको छ ।

हेर्नुहोस् थप तस्वीरहरू :