News Summary
Generated by OK AI. Editorially reviewed.- तिहार नजिकिँदै गर्दा भक्तपुरको गुन्डु क्षेत्रमा मखमली फूल खेती गर्ने किसानलाई फूल टिप्न र माला गाँस्न भ्याइ नभ्याइ भएको छ।
- काठमाडौंका व्यापारीहरू किसानका घरमै पुगेर मखमली फूल र मालाको अर्डर गर्ने गरेका छन्।
- किसानका अनुसार मखमली फूलको एउटा मालाको मूल्य २५ रुपैयाँसम्म पर्ने गरेको छ।
१३ कात्तिक, काठमाडौं । नेपालीहरूको ठूलो पर्व दशैं सकिएसँगै अर्को महत्त्वपूर्ण पर्व तिहार नजिकिएको छ । तिहार नजिकिँदै गर्दा भक्तपुरको गुन्डु क्षेत्रमा मखमली फूल खेती गर्ने किसानलाई फूल टिप्न र माला गाँस्न भ्याइ नभ्याइ भएको छ ।
यस क्षेत्रका अधिकांश किसान तिहारलाई लक्षित गरी मखमली फूलको व्यावसायिक खेती गर्दै आएका छन् । खेतबारीमा फुलेका मखमली फूल टिप्ने र परिवारका सदस्य मिलेर माला गाँस्ने काममा उनीहरू व्यस्त छन् । घरको आँगनमा बसेर फूल उन्ने र माला तयार गर्ने दृश्यले गाउँमा तिहारको रौनक बढाएको छ ।
किसानले उत्पादन गरेका फूल तथा माला बिक्री गर्न बजारको समस्या छैन । काठमाडौंका व्यापारीहरू किसानका घरमै पुगेर फूल र मालाको अर्डर गर्ने गरेका छन् । व्यापारीको मागअनुसार किसानले माला तयार पारिरहेका छन् ।
किसानका अनुसार एउटा मखमली फूलको मालाको मूल्य २५ रुपैयाँसम्म पर्ने गरेको छ । तिहार नजिकिँदै जाँदा माग र मूल्य दुवै बढ्ने उनीहरूको अपेक्षा छ ।
मखमली फूल भाइटीकामा दिदीबहिनीले दाजुभाइलाई लगाइदिने विशेष फूल हो । नओइलाउने विश्वासका कारण यसले प्रेम, आत्मीयता र दीर्घ सम्बन्धको प्रतीकका रूपमा सांस्कृतिक महत्त्व बोकेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4