नेपाल चलचित्र प्राविधिक संघले दशौं नेफ्टा फिल्म अवार्ड काठमाण्डौको सोल्टी होटलमा आयोजना गर्ने भएको छ । यसअघिका ४ संकरण विदेशी भूमिमा गरेको नेफ्टा कोभिडका कारण यो बर्ष भने आफ्नै भूमिमा फर्किएको हो ।

शनिबार काठमाण्डौको सोल्टी होटलमा आयोजना गरिएको कार्यक्रममा उत्कृष्ट ५ को मनोनयन सार्वजनिक गरिएको छ । चलचित्रका कलाकारहरुको उपस्थिती कम देखिएको नोमिनेशन सार्वजनिक कार्यक्रममा नेपाली कांग्रेसका प्रवक्ता विश्वप्रकाश शर्मा प्रमुख अतिथीको रुपमा उपस्थित थिए ।

यो बर्षको नेफ्टा अवार्डमा २ बर्ष अगाडि रिलिज भएका चलचित्रहरुलाई समावेश गरिएको छ । नेफ्टा अवार्डको ‘उत्कृष्ट नायक’को विधामा ‘प्रसाद र हरि’ चलचित्रबाट विपिन कार्की, ‘रोमियो एन्ड मुना’बाट विनय श्रेष्ठ, ‘डमरुको डन्डिबियो’बाट खगेन्द्र लामिछाने, ‘ए मेरो हजुर ३’बाट अनमोल केसी उत्कृष्ट ५ को मनोनयमा परेका छन् ।

यस्तै, उत्कृष्ट नायिकाको विधामा ‘प्रसाद’बाट नम्रता श्रेष्ठ, ‘रोमियो एन्ड मुना’बाट श्रृष्टी श्रेष्ठ, ‘साँइली’बाट मेनुका प्रधान, ‘रामकहानी’बाट पूजा शर्मा र ‘छक्का पन्जा ३’बाट दीपिका प्रसाँइ उत्कृष्ट ५ को मनोनयमा परेका छन् । यो अवार्डमा ‘प्रसाद’ १३ विधामा, ‘ए मेरो हजुर ३’ ११ विधामा, ‘छक्का पन्जा ३’ १० र ‘हरी’ ८ विधामा मनोनयमा छन् ।

यो अवार्डलाई ड्रिम हाई नेपाल र चलचित्र प्रालिधिक संघले आयोजना गर्न लागेको हो । कार्यक्रममा बोल्दै कलाकार निर शाहले नेपाली चलचित्र क्षेत्रका लागि पर्दा पछाडि रहेर काम गर्ने प्राविधिकहरुको सधै नै उच्च मुल्यांकन हुनुपर्ने बताए ।

यस्तै, चलचित्र प्राविधिक संघका अध्यक्ष पुष्कर लामाले चलचित्र क्षेत्रलाई चलायमान बनाउन अवार्ड आयोजना गर्न लागिएको बताएका थिए । विभिन्न ३३ विधामा वितरण गर्न लागिएको अवार्डको उत्कृष्ट ५ को मनोनयनमा पर्ने चलचित्र र चलचित्रकर्मीको नाम यसप्रकार छः