बलिउड चलचित्र ‘रेश’को क्लाइमेक्स खिचिएको यूएइको अलआइनमा एक नेपाली म्यूजिक भिडियोको छायांकन गरिएको छ । संचारकर्मी समेत रहेका दयाराम घिमिरेले निर्देशन गरेको म्यूजिक भिडियो सार्वजनिक भएको छ ।
दुबइमा नै रहँदै आएका कलाकारहरु मोहन बोगटी र सुनिा शर्माले मोडलिङ गरेको भिडियोको छायांकार पनि निर्देशक घिमिरे नै हुन् । संगीतकार तेनहाङ राइको दोश्रो गिती एल्बम ‘सरलता’मा समावेश गीतमा दयाराम घिमिरेको शब्द, डेबिड शंकरको स्वर छ ।
निर्देशक घिमिरेले यसअघि पनि केही म्यूजिक भिडियो यूएइमा छायांकन गरेका थिए । यो लोकेशनमा केही बलिउड चलचित्रको छायांकन भैसकेको निर्देशकले बताए ।