२० फागुन, काठमाडौं । भक्तपुरमा एकजनाको बेवारिसे शव फेला परेको छ । सूर्यविनायक नगरपालिका-५ तोयनाटोलमा करिब २५/३० वर्षे पुरुषको शव फेला परेको प्रहरीले जानकारी दिएको छ ।
तोयनाटोलको बारिमा रहेका २ वटा परालको कुन्युको बीचमा भेटिएको युवकको शव पोष्टमार्टमका लागि भक्तपुर जिल्ला अस्पताल पठाइएको छ ।
खरानी रंगको हुक, कालो जिन्सको पाइन्ट लगाएका व्यक्तिको शवको पहिचान हुन नसकेको महानगरीय प्रहरी परिसर भक्तपुरले जानकारी दिएको छ ।
शव फेला परेको खबर पाएपछि महानगरीय प्रहरी वृत्त जगाती भक्तपुरको प्रहरी टोली घटनास्थल पुगी अनुसन्धान सुरु गरेको छ ।