८ साउन, काठमाडौं । थारु सभासदहरुले कफ्र्यूका बीच टीकापुरमा थारु नेता तथा सार्वसाधारणको घरमा आगो लगाइएको भन्दै प्रधानमन्त्रीको ध्यानाकर्षण गराएका छन् ।
विभिन्न दलका थारु सभासदले बालुवाटार पुगेर प्रधानमन्त्री सुशील कोइरालालाई भेटेेका हुन् ।
थरुहट तराई पार्टीका सभासद गोपाल दहितले भने-‘हामीले कैलालीको कफ्र्यू थारुका लागि मात्र हो कि अरुका लागि पनि हो भनेर सोधेका छौं ।’
सभासदहरुले कफ्र्यू लागिरहेको समयमा अखण्ड सुदूरपश्चिम पक्षधरले थारु सभासद र सर्वसाधारणको घरमा आगो लगाएको आरोप लगाएका छन् ।
दहितले भने-आज मात्र १८ जनाको घरमा आगो लगाइएको छ । सबैलाई सुरक्षा दिनु राज्यको दायित्व हो ।’
