वीरेन्द्र रमण
२९ भदौ, जनकपुर । आन्दोलनका क्रममा प्रहरीको गोली लागेर मारिएका तीन जनाको शव यात्रामा हजारौं मानिस सहभागी भएका छन् ।
जनकपुर अञ्चल अस्पतालबाट शव यात्रा सुरु भएको थियो । शव यात्रामा हजारौं सर्वसाधारण सहभागी भएका छन् । मधेसी मोर्चाका नेताहरु पनि छन् ।
स्थानीय प्रशासनले मृतकलाई सहिद घोषणा, पीडित परिवारलाई क्षतिपूर्तिका लागि सिफारिस गरेपछि पीडित परिवारले शव बुझेका हुन् ।
२५ गते जनकपुरमा प्रहरीले चलाएको गोली लागी संजय चौधरी, निकु यादव र दिलिप यादवको मृत्यु भएको थियो । तीनै जनाको मुजेलिया चोकमा सामुहिक अन्त्येष्टि गरिनेछ ।