९ असोज, भैरहवा । रुपन्देहीको दक्षिणी मर्चवार क्षेत्रमा आन्दोलनकारीले प्रधानमन्त्री सुशील कोइराला, एमाले अध्यक्ष केपी ओली र एमाओवादी अध्यक्ष प्रचण्डको पुत्ला जलाएका छन् ।
प्रधानमन्त्री सुशील कोइराला भैरहवा आउन लागेको भन्दै शनिबार जिल्लाको मर्चवार क्षेत्रमा शीर्ष नेताको पुत्ला जलाइएको आन्दोलनकारीले बताए ।
आन्दोलनकारीहरुले मर्चवार क्षेत्रको सिलौटिया ८ ओडवलिया चोकमा तीन शीर्ष नेतासहित र गहृमन्त्री बामदेव गौतमको समेत पुत्ला जलाए ।
मधेसी दासंस्कारको परम्परा भन्दै जुलुस निस्कनुअघि महिलाहरुले रोएको अभिनयसमेत गरेका थिए । उनीहरुले नेताको पुत्लालाई गाउँ नजिकैको डण्डाखोलामा लगेर जलाएका छन् ।
