३ कात्तिक, महोत्तरी । मिथिलाञ्चल क्षेत्रमा आज नवदुर्गा भवानीको खोइछा भर्ने (एक विशेषपूजा) पूजा गर्दैछन् ।
प्रत्येक वर्ष दसैंको फूलपातीको दिन भाकल पूरा भएका श्रद्धालु भक्तजनले माता दुर्गा भवानीको मन्दिरमा गई खोइछा भर्ने कार्य गर्दै आएका छन् ।
तराईलगायत मिथिलाञ्चल क्षेत्रमा आज बिहान फलफूल, नैवेद्य, शृङ्गारका सामान, चुनरलगायतका पूजा सामग्री देवीमातासमक्ष अर्पण गरी खोइछा भर्ने कार्य गरिन्छ । देवी दुर्गाको मन्दिरमा फूलपाती कार्यक्रम सम्पन्न भएपछि सो पूजा गरिने छ ।
आज बिहानैदेखि महोत्तरीको सदरमुकाम जलेश्वरलगायत ग्रामीण भेगमा रहेका विभिन्न शक्तिपीठमा श्रद्धालु भक्तजनको भीड लागेको छ ।
देवीसमक्ष गरेको भाकल पूरा भएपछि प्रत्येक वर्ष आश्विन शुक्ल सप्तमी अर्थात् फूलपातीको दिन खोइछा भर्ने पूजा कार्यक्रम धूमधामसँग मिथिलाञ्चलमा पौराणिककालदेखि गर्दै आएका छन् । खोइछा भरेपछि हरेक मनोकाङ्क्षा पूर्ण हुने जनविश्वास रहेको छ । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4