२८ कात्तिक, काठमाडौं । विश्वकप छनोट फुटबलमा ब्राजिल र अर्जेन्टिनाले बराबरी खेलेका छन् ।
शुक्रबार राति भएको छनोट फुटबलमा १० खेलाडीमा सिमित ब्राजिलले लिओनल मेस्सी र सर्जिओ एग्युरो बिनाको अर्जेन्टिनासँग १-१ को बराबरी खेलेको हो ।
घरेलु मैदान ब्यूनस एरिसमा भएको खेलमा अर्जेन्टिनाले ३४ औं मिनेटमा लाभाजीको गोलबाट अग्रता लिएको थियो । तर, ५८ औं मिनेटमा लुकास लिमोले ब्राजिलका लागि बराबरी गोल फर्काए ।
खेलको ८८ औं मिनेटमा डेभिड लुइजले रातो कार्ड पाएपछि ब्राजिल १० खेलाडीमा सिमित भएको थियो ।