२९ कात्तिक, काठमाडौं । बंगलादेश, भूटान, भारत र नेपाल (बीबीआइएन) को फ्रेन्डसिप मोटर र्याली नेपालमा नआउने भएको छ । भारतबाट शनिबार सुरु भएको र्याली नेपाल आउने कार्यक्रम नाकाबन्दीबाट उत्पन्न तनावपूर्ण परिस्थितिलाई देखाएर स्थगित गरिएको हो ।
‘आयोजकहरुले अन्तिम समयमा र्यालीको रुटबाट नेपाललाई हटाउने निर्णय लिएका छन् । र्याली नेपाल आएको भए नेपाल र भारतवीचको सम्वन्ध सुधारमा सहयोग पुग्ने थियो,’ नेपाल अटोमोबाइल्ट एसोसिएसनका अध्यक्ष दसरथ रिजालले भने ।
२० वटा मोटर र ८० जना सहभागीहरु सम्मिलित र्यालीले १९ दिनमा ४ हजार ५ सय किलोमिटर यात्रा गर्नेछ । भारतको उडिसाबाट सुरु भएको र्याली भारतकै कोलकातामा आएर १ डिसेम्बरमा समापन हुनेछ ।
चार देशहरुले यसै वर्षको जूनमा भुटानको राजधानी थिम्पुमा यातायात सञ्जालसम्वन्धी सम्झौता गरेका थिए । उक्त सम्झौतामा उल्लेखित सडक सञ्जालकै रुटहरुलाई र्यालीले पछ्याउने कार्यक्रम छ । र्यालीले ती देशहरुमा रहेको ऐतिहासिक तथा राजनीतिक महत्वका स्थानहरुमा यात्रा गर्ने कार्यक्रम छ । यात्राकै क्रममा सम्झौताको महत्व र सडक सुरक्षाका विषयलाई प्रवर्द्धन गर्दै थुप्रै सम्मेलनहरु आयोजना गरिनेछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4