Comments Add Comment

सरकार, कांग्रेस र मधेसी मोर्चाको त्रिपक्षीय वार्ता साँझ

Baluwatar-meeting-with-Madh

१८ मंसिर, काठमाडौं । सरकार, प्रमुख विपक्षी नेपाली कांग्रेस र मधेसी मोर्चाबीच आज त्रिपक्षीय वार्ता हुने भएको छ ।

मधेसी मोर्चाले अघि सारेको मागमा प्रमुख तीन दलले साझा धारणा बनाएपछि त्रिपक्षीय वार्ता बोलाइएको हो । साँझ ५ बजे वार्ताका लागि खबर आएको मधेसी मोर्चाका वार्ता टोली सदस्य एवं तमसपाका वरिष्ठ नेता रामनरेश रायले जानकारी दिए ।

मधेसी मोर्चासहित त्रिपक्षीय वार्ता अघि प्रमुख तीन दल कांग्रेस, एमाले र एकीकृत नेकपा माओवादीको बैठक बस्नेछ ।

बालुवाटारमा हुने वार्तामा तीन दलले मधेसी मोर्चाले अघि सारेको ११ बुँदे मागमा साझा धारणा दिने बताएका छन् ।

तीन दलले कांग्रेस नेतृत्वको अघिल्लो सरकारले दर्ता गरेको संविधान संशोधन प्रक्रिया अघि बढाउने समझदारी गरेका छन् । सीमांकनबारे मोर्चाको मागमा भने राजनीतिक समिति बनाएर तीन महिनाभित्र टुंगो लगाउने प्रस्ताव छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment