काठमाडौं । स्पेनका प्रशिक्षक भिन्सेन्ट डेल बस्की राजीनामा दिएका छन् ।
साविकको विजेता स्पेन यो पटक युरोकपमा इटलीसँग पराजित हुँदै प्रिक्वार्टरफाइनलबाटै बाहिरिएको थियो ।
६५ वर्षका डेल बस्कीले २०१० मा स्पेनलाई विश्वकपको उपाधि दिलाए । लगतै २०१२ मा स्पेनले उनकै प्रशिक्षणमा युरोकप पनि जित्यो ।
तर, २०१४ को ब्राजिल विश्वकपमा निकै खराब प्रदर्शन गरेको स्पेन समूह चरणबाटै बाहिरियो ।
डेल बस्कीले स्पेनको रेडियोसँग कुराकानी गर्दै अब स्पेनको फुटबल प्रशिक्षकमा रहिरहने कुनै मनसाय नरहेको बताए ।
