११ भदौ, काठमाडौं । नेपाल इन्स्योरेन्स कम्पनीले गत आर्थिक वर्ष २०६९/७० मा ७० करोड बीमाशुल्क आर्जन गरेको छ । अघिल्लो आवमा ५३ करोड ९१ लाख रुपैयाँ पि्रमियम संकलन गरेकोमा गत आवमा ३० प्रतिशतको वृद्धि हासिल गरेको हो । यो नेपाल बैंक लिमिटेडको प्रवर्द्धनमा सञ्चालित बीमा कम्पनी हो ।
कम्पनीले गत आवमा ५ करोड १४ लाख रुपैयाँ खुद मुनाफा गरेको अपरिस्कृत वित्तीय विवरण सार्वजनिक गरेको छ । अघिल्लो आवमा कम्पनीले ४ करोड रुपैयाँ खुद मुनाफा गरेको थियो । १३ करोड १९ लाख रुपैयाँ चुक्ता पुँजी रहेको कम्पनीको प्रतिसेयर आम्दानी ३९ रुपैयाँ पुगेको छ । जगेडा कोष १३ करोड २९ लाख रुपैयाँ रहेकोले कम्पनीको प्रतिसेयर नेटवर्थ २३२ रुपैयाँ पुगेको छ ।
