‘नभ्य’मा अशिष्मा र प्रेक्षाको मानविय मनोविज्ञान

नयाँ चलचित्र ‘नभ्य’को घोषणा गरिएको छ । आज काठमाण्डौमा आयोजना भएको कार्यक्रममा यसको घोषणा भएको हो । नयाँ निर्देशक विप्लव आर पोखरेलले यसलाई निर्देशन गर्दैछन् ।

मानविय मनोविज्ञानमा आधारित यो सिनेमामा अशिष्मा नकर्मी, विकास न्यौपाने, प्रसन्न गोपाली, प्रेक्षा अधिकारी लगायतका कलाकारले अभिनय गर्नेछन् । बिहिबारबाट छायांकनमा जान लागेको सिनेमालाई लुःजः इन्टरटेन्मेन्टले निर्माण गर्दैछ ।

चलचित्रमा समन डंगोल र लुःजः सिंहले लगानी गरेका छन् । विप्लव आर पोखरेलको पटकथा तथा संवाद पनि रहेको चलचित्रमा सुमन कपालीको संगीत छ । चलचित्रको कथा उत्कृष्ट बनेकाले पनि सिनेमा राम्रो बन्ने यसको निर्माणपक्षको विश्वास छ ।