विश्वकप फुटबलको प्रि-क्वाटरफाइनलमा बुधबार बिहान अमेरिका र बेल्जियम भिड्दैछन् । समूह एचको विजेता बेल्जियमलाई अण्डरडग टोलीका रुपमा हेरिएको छ ।
आफ्नो टोलीको खेलप्रति विश्वस्त रहेका बेल्जियमका प्रधानमन्त्री इलियो डी रुपोले अमेरिकी राष्ट्रपति बाराक ओबामालाई बेल्जियन बियर बाजी राख्न आहृवान गरेका छन् । उनले ओबामालाई मेन्सन गर्दै ट्वीट गरेका छन्-‘हे बाराक ओबामा, म हाम्रो बेल्जियन टोली विश्वकपको क्वाटरफाइनलमा पुग्छ भनेर बेल्जियन बियर बाजी राख्न चाहन्छु ।’
ओबामाले इलियो डी रुपोको प्रस्तावबारे सार्वजनिक रुपमा कुनै जवाफ दिएका छैनन् । तर, ओबामा फुटबलका फ्यान हुन् । समूह चरणको अन्तिम खेलमा अमेरिका जर्मनीसँग १-० ले पराजित भएको खेलले उनले टीभीमा हेरेको तस्वीर सार्वजनिक भएको थियो ।
Hey @BarackObama, I am betting some great Belgian beers that our @BelRedDevils will make it to the quarter final! 🙂 #ComeOnBelgium #BEL
— Elio Di Rupo (@eliodirupo) June 26, 2014
