अन्तरबैंक कारोबार साढे १४ अर्ब, फागुनमा उच्च

१९ असार काठमाडौं । वाणिज्य बैंकहरुबीच हुने अन्तर बैंक सापटी कारोबार खासै बढ्न सकेनको छैन । बैंकहरुसँगै तरलता (लागनी योग्य रकम) बढी भएपछि अन्तरबैंक कारोबार बढ्न नसकेको हो ।

 राष्ट्र बैंकका अनुसार बैशाख मसान्तसम्ममा ३० वाणिज्य बैंकहरुबीच १४ अर्ब ८ करोड ७३ लाख रुपैयाँ अन्तरबैंक करोबार भएको छ । आर्थिक वर्षको अन्त्यसम्ममा गत वर्षको जति अन्तर बैंक कारोबार नतहुने बैंकरहरुको विश्लेषण छ ।

 गत वर्षको असार मसान्तमा बैंकहरुबीचको अन्तरबैंक कारोबार १८ अर्ब ४५ करोड ८३ लाख रुपैयाँ भएको थियो । आव २०६८/०६९मा यस्तो कारोबार ७२ अर्ब ५७ लाख ६८ करोड रुपैयाँ थियो ।

 यो वर्षको बैशाख महिनामा सबैभन्दा बढी अन्तरबैंक कारोबार भएको छ भने भदौ महिनामा सबैभन्दा कम कारोबार भएको छ । फागुनमा २ अर्ब ४७ करोड ३ लाख रुपैयाँको कारोबार भयो भने भदौमा ८६ करोड ६८ लाख रुपैयाँको कारोबार भयो ।

 अन्य महिनाको तुलनामा फागुन महिनामा कर्जाको वृद्धिदर केही बढेको छ भने भदौमा कर्जाको वृद्धिदर पनि कम छ । फागुन पछि सबैभन्दा बढी अन्तरबंक कारोबार बैशाखमा छ । बैशाख महिनामा १ अर्ब ७२ करोड रुपैयाँ अन्तरबैंक कारोबार भएको राष्ट्र बैंकले जनाएको छ ।