अर्जेन्टिनाका प्रशिक्षक साबेलाले सेमिफाइनलका लागि टोली संघर्ष गरिरहेका बेला कप्तान लिओनल मेस्सीले ‘मरुभूमिमा पानी’ दिएको टिप्पणी गरेका छन् । सन् १९९० पछि पहिलो पटक विश्वकपको सेमिफाइनलमा पुग्दा अर्जेन्टिनाको कप्तानी मेस्सीले सम्हालिरहेका छन् ।
गोन्जालो हिगुइनको गोलको मदतमा बेल्जियमविरुद्ध १-० को जित निकालेपछि साबेलाले भनेका छन्-‘मेस्सी जस्ता खेलाडीहरुले बल नगुमाउनु मरुभूमिमा पानी जस्तै हो ।’ उनले अघि भने-आज जब मैदान सुख्खा थियो । तर, जब मेस्सीले बल पाउँथे, हामीलाई स्वच्छ हावा दिन्थे।’
चार पटकको फिफा बालोन डि’ओर विजेता २७ वर्षीय मेस्सीले गोल त गरेनन्, तर अधिकांश समय अर्जेन्टिनाको आक्रमक खेलका योजनाकार बने ।
बेल्जियमविरुद्धको खेल अर्जेन्टिनाका लागि ९१ औं खेल हो, जुन लेजेन्ड डिएगो म्याराडोनाको समान हो । अर्जेन्टिनालाई विश्वकप उपाधि दिलाएका म्याराडोनाले ३४ गोल गरेका थिए भने मेस्सीले ४२ गो गरेका छन् ।
म्याराडोनाले विश्वकपमा १९ खेल खेले र ८ गोल गरे । मेस्सीले १३ खेलमा ५ गोल गरेका छन्, जसमा चार गोल यही विश्वकपको हो ।
प्रतिक्रिया 4