२३ असोज काठमाडौं । लक्ष्मी बैंकले दाङको घोराही र सल्यानको श्रीनगरमा शााखा स्थापना गरेको छ । विस्तारित नयाँ शाखाबाट सम्पूर्ण बैंकिङ सेवा दिने बैंकले जनाएको छ ।
ग्रामीण तथा शहरोन्मूख क्षेत्रका ग्राहकलाई लक्षित गर्दै सो स्थानमा शाखा स्थापना गरिएको बैंकले जनाएको छ ।
यी दुई शाखा सञ्चालनमा आएसँगै बैंकका कूल शाखा संख्या ३७ पुगेको छ । त्यसैगरी दुईवटा एक्सटेन्सन काउन्टर र ५० एटीएम छन् ।
सन २००२ मा स्थापना भएको यो बैंकले देशका विभिन्न २२ शहरमा शाखा विस्तार गरिसकेको छ । पाँच सयभन्दा बढीलाई रोजगारी दिएको छ ।
गत आर्थिक वर्षमा ३४ अर्ब ७ करोड रुपैयाँ निक्षेप संकलन र ३० अर्ब ६ करोड रुपैयाँ कर्जा प्रबाह गरेको बैंकले २३ करोड रुपैयाँ नाफा कमाएको थियो । उक्त नाफाबाट सेयरधनीलाई २१.०५ प्रतिशत प्रतिफल दिने घोषणा गरेको छ ।
