४ मंसिर, दम्बुला (श्रीलंका) । नेपाल र हङकङको दोस्रो टी-२० क्रिकेट पनि स्थगित भएको छ । बिहीबार पानी नपरे पनि मैदानको केही भाग खेलाउन योग्य नभएपछि खेल भएन ।
स्थानीय समय अनुसार विहान १० बजे (नेपाली समय अनुसार सवा १० बजे) रनगिरी दाम्बुला अन्तराष्ट्रिय रंगशालामा खेल सुरु हुनु पर्ने हो । तर, झण्डै ५ घन्टासम्म कुर्दा पनि खेल सुरु हुन सकेन र अपराहृन पौने ३ बजे खेल स्थगित भएको घोषणा गरिएको छ ।
बुधबार परेको पानीका कारण स्कोर बोर्ड इण्डतर्फको केही भाग हिलो जस्तै छ । अम्पायरसहितको टीमले निरन्तर मैदानको अवस्था हेरेका थिए ।
भोलिका लागि मैदानको अधिकांश भाग पालले छोप्ने व्यवस्था गरिने आश्वासन रंगशाला व्यवस्थापनले दिएको छ । यसो भएमा शुक्रबारबाट खेल हुनेछ । तर, तीन खेलकाे टी-२० सेरिज हुन्छ कि हुँदैन भन्ने टुंगो भएको छैन ।
भेन्यू म्याजेनरले एकदिसवसीय सार्न दुबै देश तयार भए शुक्रबार, शनिबार र सोमबार गरी तीन टी-२० हुन सक्ने बताएका छन् । तर, निर्यण अाउन बाँकी छ ।
पानीकै कारण बुधबारको पहिलो टी-२० क्रिकेट स्थगित भएको थियो ।