११ मंसिर, काठमाडौं । दक्षिण एसियाली क्षेत्रीय सहयोग संगठन (सार्क) को १९ औं शिखर सम्मेलन पाकिस्तानमा हुने भएको छ ।
१८ औं सार्क सम्मेलनका क्रममा प्रधानमन्त्री सुशील कोइरालाले अर्को सम्मेलन पाकिस्तानको इस्लामावादमा गर्ने घोषणा गरेका हुन् ।
धुलिखेलमा केही समय बिताएर काठमाडौंको सोल्टीमोडस्थित होटल सोल्टी फर्किएका सदस्य मुलुकका राष्ट्र तथा सरकार प्रमुखहरु सम्मेलन समापन समारोहमा सहभागी भए ।
१८ औं सार्क शिखर सम्मेलनको औपचारिक समापन पछि विशिष्ट अतिथिहरु राष्ट्रपति डा. रामवरण यादवले आयोजना गरेको रात्रीभोजमा सहभागी हुने कार्यक्रम छ ।
सार्क सदस्य मुलुकका सरकार तथा राष्ट्र प्रमुखमध्ये केही विहीबारै र केही शुक्रबार स्वदेश फर्किने परराष्ट्र मन्त्रालयले जनाएको छ ।
