२७ मंसिर, डडेलधुरा । अख्तियार दुरुपयोग अनुसन्धान आयोगको टोलीलेे एकीकृत नेकपा माओवादीका पूर्व केन्द्रीय सदस्य जगत पार्कीलाई काठ तस्करी गर्दै गरेको अवस्थामा शुक्रबार पक्राउ गरेको छ ।
६२ थान गोलियासहित पार्कीलाई डडेल्धुराको चुरे क्षेत्रबाट पक्राउ गरिएको जिल्ला वन कार्यालय डडेल्धुराले जनाएको छ । आयोग कञ्चनपुरबाट खटिएको टोली र इलाका वन कार्यालयको टोलीले पार्कीलाई पक्राउ गरेको सहायक वन अधिकृत दानबहादुर श्रेष्ठले जानकारी दिए ।
ठूलो मात्रामा वन फँडानी भइरहेको सुराकीबाट जानकारी पाएपछि खटिएको टोलीले छापा मार्दा काठ भेटिएको आयोगका निमित्त जिल्ला प्रमुख विष्णुसिंह विष्ट बताए ।
वन तस्कर र आलिताल रेन्जपोस्टका वनकर्मीको मिलोमतोमा लामो समयदेखि चुरे क्षेत्रमा पुनः फँडानी भइरहेको छ । शुक्रबार प्रहरीले अर्काे छुट्टै घटनामा चुरे फँडानीमा संलग्न भनिएका अर्जुन भट्टराईलाई पनि पक्राउ गरेको छ । रासस
प्रतिक्रिया 4