टोकियो । नेपालको पश्चिमी विकट पहाडमा उत्पादन हुने फापरले जापानमा अायात भर्इ मदिरा उत्पादन हुन थालेको छ । मयूर कर्पोरेशन लिमिटेडले उत्पादन गरेको उक्त ब्ल्यू लेवलको मदिराको संस्कृति, पर्यटन तथा नागरिक उड्डेयनमन्त्री दीपकचन्द्र अमात्य र जापानका लागि नेपाली राजदूत डा. मदनकुमार भट्टराईले संयुक्त रूपमा उद्घघाटन गरे ।
जापानको टोकियोस्थित एक कार्यक्रमकाबीच मन्त्री अमात्य र जापानका लागि नेपाली राजदूत भट्टराईले ‘सोमरस’को संयुक्त रुपमा ‘सोमरस’को उद्घाटन गर्दै उत्पादित कम्पनीलार्इ धन्यवाद दिए ।
जापानका लागि नेपाली राजदूत भट्टराईले नेपालको विकट पहाडी क्षेत्रबाट उत्पादन हुने फापरलाई जापानको बजारसम्म पुर्याएर मदिरा उत्पादन गरेकोमा मयूर कर्पोरेशन लिमिटेडका प्रवन्ध निर्देशक अरुणकुमार श्रेष्ठलाई धन्यबाद दिए । भट्टराईले नेपाली फापरबाट निर्मित मदिराको फाइदाबारे समेत प्रस्ट पारे । नेपालको पहाडी इलाकाबाट जापानसम्म नेपाली फापर आयात गरी अन्तर्राष्ट्रिय बजारमा समेत चिनाउन योगदान दिएको भन्दै कम्पनीप्रति गरेकोमा आभार प्रकट गरे ।
उक्त समारोहमा एनआरएन उपाध्यक्ष भवन भट्ट एवम् पदाधिकारीहरु, विभिन्न संघ-संगठनका पदाधिकारी, लगायत विभिन्न क्षेत्रका जापानी तथा नेपाली समाजसेवीहरुको उपस्थिति रहेको थियो । कार्यक्रममा नेपालबाट आएका सर्वोच्च अदालत र विभिन्न अदालतका १४ जना न्यायधिवक्ताहरुको पनि उपस्थिति थियो ।
प्रतिक्रिया 4