डलर वर्षदिन यताकै महंगो, अझै बढ्ने अनुमान

१० पुस काठमाडौं । पुस १ गतेदेखि डलरको मुल्य लगातार सय रुपैयाँ माथि छ । सय नाघेको डरल बढ्दो प्रवृत्तिमा छ । विश्लेषकहरुले अझै महंगिन सक्ने बताएका छन ।

बिहीबारका लागि नेपाल राष्ट्र बैंकले प्रतिअमेरिकी १ सय १ रुपैयाँ ३३ पैसामा किनेर १ सय १ रुपैयाँ ९३ पैसामा बिक्री गर्ने जनाएको छ ।
एक वर्षअघि अर्थात २५ डिसेम्बर २०१३ मा प्रतिअमेरिकी डलरको खरिद मुल्य ९८ रुपैयाँ ५७ पैसा र बिक्री मुल्य ९९ रुपैयाँ १७ पैसा थियो ।

एक वर्षमा भएको डलरको भाउको उतार-चढाव अवस्था

अहिलेको डलरको मुल्य २०१४ कै  सबैभन्दा महंगो हो । र, तत्काल डलर कमजोर हुने अवस्था भएको सानिमा बैंकका प्रमुख कार्यकारी अधिकृत भुवन दाहालले अनलाइनखबरलाई बताए ।

अमेरिकाको केन्द्रिय बैंकले बजारमा भएको तरलता खिच्न जारी गर्दै आएको ‘बण्ड’ बन्द गरेपछि संसारभर डलर महंगिएको हो ।

‘अमेरिकाको फेडरल रिजर्भले बन्ड बन्द गरेपछि बजारमा डलरको व्याजदर बढ्ने डलरको मुल्य बढेको हो’ सीइओ दाहालले भने-विश्वपरिवेस हेर्दा तत्कारल डलर सस्तिने आधार पनि देखिँदैन ।

डरल महंगिएसँगै संसारभर पेट्रोलियम पद्धार्थ र सुनको मुल्य घटेको छ । ‘लगानीकर्ताहरु डलरमा आकषिर्त भएपछि सुन र पेट्रोलको मुल्य घटेको हो’ उनले भने ।

पुस महिनामा भएको डलरको भाउको उतार-चढाव

नेपाली मुद्राको भारतीय मुद्रासँग स्थीर विनयमदर भएकाले र नेपालको अधिकांस व्यापार भारतसँग हुने भएकाले बढेको डलरको प्रत्यक्ष प्रभाव नेपाली अर्थमन्त्रमा कम पर्छ । तर, डलर बढ्दा भारतमा मुल्यवृद्धि बढ्ने र त्यसको असर नेपालमा पर्छ ।

‘नेपालको अर्थतन्त्र आयातमा आधारित भएकाले डलर बढ्दा यहाँ मंहंगी बढ्छ’ उनले भने ।
डरलको मुल्य बढ्दा पयर्टन र रेमिटान्सबाट प्राप्त हुने रकम बढेपनि समग्र नेपाली अर्थतन्त्रमा डलर वृद्धिको नकरात्मक असर पर्ने उनले बताए ।