२५ माघ, काठमाडौं । झापा र नवलपरासीमा भएका सवारी दुर्घटनामा तीन जनाको मृत्यु भएको छ ।
झापाको शिवशताक्षी नगरपालिका-८ मा आइतबार दिउसो को १ ख २८९६ नम्बरको यात्रुबाहक दुर्घटना हुँदा २ जनाको मृत्यु भएको छ । मृत्यु हुनेमा शिवसताक्षी ९ का २५ वर्षीय अच्युत गेलाल र पछाडि सवार सोही स्थानकी ३० वर्षीया गंगादेवी पौडेल छन् ।
बिर्तामोडबाट बिराटनगरतर्फ गइरहेको बसले राजमार्गमा भैंसी र को १७ प ५८७५ नम्बरको मोटरसाईकललाई ठक्कर दिई रुखमा गएर ठोक्किएको थियो ।
दुर्घटनामा बस चालक शिवशताक्षी ४ का मिलन विकसहित २१ यात्रु घाईते भएका छन् । घाईतेमध्ये एकजनाको अवस्था गम्भिर छ । गम्भीर घाइतेलाई विराटनगरस्थित न्यूरो अस्पताल पठाइएको जिल्ला ट्राफिक प्रहरी कार्यालय झापाका असई कालीदास रेग्मीले जानकारी दिए ।
नवलपरासीमा महिलाको मृत्यु
यसैगरी नवलपरासीको सुनवल ७ चारपालामा जिप दुर्घटना हुँदा १ जनाको मृत्यु भएको छ । १२ जना घाईते भएका छन् ।
आइतबार दिउँसो १२ वजे ८ नम्बरबाट ज्यामिरेतर्फ आउँदै गरेको ना १ ज १२५८ नम्बरको जिप स्टेरिङ फेल भएर बिजुलीको पोलमा ठोक्किदा धरमपुरकी ३० वर्षीया कमला विकको मृत्यु भएको थियो ।
दुर्घटनामा घाईते भएकाहरुको त्रिलोत्तमा अस्पताल बुटबलमा उपचार भईरहेको छ । जिप र चालकलाई नियन्त्रणमा लिइएको जिल्ला प्रहरी कार्यालय नवलपरासीले जनाएको छ ।
