१३ फागुन, काठमाडौं । ट्युसन सेन्टरमा किशोरीमाथि भएको एसिड आक्रमणको विरोधमा अधिकारकर्मीहरुले र्याली निकालेका छन् ।
माइतिघर मण्डलाबाट सुरु भएको र्याली विजुलीबजारमा आएर सभामा परिणत भएको थियो । सभामा अधिकारकर्मीहरुले आक्रमणकारीलाई तत्काल पक्राउ गर्न र कडा कारबाही गर्न माग गरेका छन् ।
माइती नेपालकी संस्थापक अध्यक्ष अनुराधा कोइरालाले आफ्नो सानो नातिले समेत एसिड आक्रमण गर्नेलाई सुट गर्नुपर्छ भनेको सुनाइन् ।
उनले भनिन्-‘एसिड आक्रमण गर्नेलाई ५ सय देखि ८ हजारसम्म जरिवाना भन्ने सुन्यौं । हाम्रो मूल्य त्यति हो ?’ उनले यो प्रश्न गरेपछि सहभागीहरुले होइन भनेका थिए ।
अधिकारकर्मीहरुले एसिड आक्रमणमा संलग्नलाई ज्यानमुद्धा लगाउन माग गरेका छन् ।
स्कुले किशोरीहरुमाथि ट्युसन सेन्टरमा नै आक्रमण भएपछि सेल्टर होमहरुले समेत असुरक्षित महसुस गरेको अधिकारकर्मीहरुले बताएका छन् ।
यो पनि पढ्नुहोस्
