७ बैशाख, इटहरी । सुनसरी मोरङ औद्योगिक करिडोर अन्तरगत खनारको सोनापुरमा सञ्चालित सुनसरी प्लाई उद्योगमा सोमवार आगलागी हुँदा ३० लाख बराबरको क्षती भएको छ ।
उद्योगमा रहेको सिजिनिङ मेसिनबाट (काठ सुकाउने मेसिन) मा खराबी आइ आगलागी सुरु भएको बताइएको छ ।
आगोले चिरान गरी राखिएको बहुमूल्य जातका काठ, तक्ता र केही फर्निचरका सामानहरु खरानी बनाएको प्लाई उद्योगका धनी सिताराम अग्रवालले बताए ।
दिउसो ४ बजेदेखि सुरु भएको आगो इटहरी उपमहानगरपालिका, इनरुवा नगरपालिका, बिराटनगर उपमहानगरपालिकाका दमकलको सहयोगमा स्थानीय र प्रहरीले दुई घण्टा पछि निभाएका थिए ।
– तेज बनबाट
