७ जेठ, काठमाडौं । भक्तपुरका अधिकांश ईंटाभट्टाका चिम्नीहरु झट्टै हेर्दा धरहराजस्तै अग्ला देखिन्थे । बैशाख १२ को भूकम्पपछि ती चिम्नीहरु कुनै फेदैदेखि ढले त केही वीच भागमा भाँचिएर ठुटे भए ।
भूकम्पका कारण लाखौं घर भत्किएका बेला ईंटाको माग ह्वात्तै बढेको छ । वर्षायाम लाग्नै आँटेकाले अब ईंटा उत्पादनमा कमी आउने बेला भइसकेको छ । अब चिम्नी भाँचिएका ईंटा उद्योगले ईटा निर्माण गर्छन् कि गर्दैनन् भन्ने बुझ्न भक्तपुर क्षेत्रमा पुग्दा भाँचिएका ठुटे चिम्नीबाट धुँवा आइरहेको देखियो, जुन सकारात्मक संकेत थियो ।
चिम्नीहरु आधा भाँचिए पनि ईंटा पोल्नका लागि समस्या नपर्ने उद्योगीले बताए । साथै पुनर्निर्माणका लागि आफूहरुले ईंटाको कमी हुन नदिने र विपतलाई ख्याल गर्दै तत्काल ईंटाको मूल्यसमेत नबढाइने उनीहरुले बताएका छन् ।
भूकम्पपछि ईंटाभट्टाको स्थिति
