२६ साउन, काठमाडौं । संविधानको प्रारम्भिक मस्यौदामाथि जनताका सुझाव समेटेर बनाइएको परिमार्जित प्रतिवेदनलाई कांग्रेस र एमालेका सभासदले स्वागत गरेका छन् ।
एमाओवादी र फोरम लोकतान्त्रिकका सभासदले भने आलोचनात्मक समर्थन गरेका छन् ।
संवैधानिक राजनीतिक संवाद तथा सहमति समितिका सभापति डा. बाबुराम भट्टराईले पेश गरेको परिमार्जित प्रतिवेदनमाथिको छलफलमा भाग लिँदै एमालेका सभासद कृष्णभक्त पोखरेल र कांग्रेसका हरिप्रसाद नेपालले समर्थन जनाए ।
त्यस्तै एमाओवादीका सभासद कृष्णवहादुर महराले आलोचनात्मक समर्थन रहेको बताए । उनले थारु बहुल जिल्लालाई थरुहट र मगर बहुल क्षेत्रलाई बिभाजन नगरी मगराँतमा राखिनुपर्ने बताए ।
फोरम लोकतान्त्रिकका सभासद जितेन्द्रनारायण देवले तीन दलले आफूहरुलाई धोका दिएको भन्दै यदि प्रदेशको सीमांकन परिमार्जन नगरिए फोरम लोकतान्त्रिकले अहिलेसम्मका सहमतिलाई पुनर्विचार गर्ने बताए ।
प्रतिक्रिया 4