ध्रुव भट्टराई
८ भदौ, विराटनगर । बिभिन्न जिल्लामा हिंसात्मक प्रदर्शन भैरहेकाबेला मोरङको विराटनगरमा सदभाव र्याली निकालिएको छ ।
दुई साताबाट बन्द हुदै आएको विराटनगर क्षेत्रमा मंगलबार दोस्रोपटक पुनः सदभाव र्याली निकालिएको हो । विराटनगर उपमहानगरपालिकाबाट निस्किएको सदभाव र्यालीले नगरको विभिन्न भाग परिक्रमा गरेको थियो ।
र्यालीमा सहभागीहरुले ‘तोकिएकै समयमा संविधान जारी गर’, ‘शान्ति सुरक्षा कायम गर’, ‘प्रादेशिक राजधानी विराटनगरलाई बनाऔं, सामाजिक सदभाव कायम गरौं’ लेखिएका ब्यानर बोकेका थिए । उनीहरुले टीकापुर घटनाका दोषीलाई कारवाही गर्न समेत माग गरेका थिए ।
संयुक्त टोल नगर समन्वय समितिको आयोजनामा निकालिएको र्यालीका सहभागीहरुले राष्ट्रिय झण्डा समेत प्रदर्शन गरेका थिए ।
एक साताअघि पनि विराटनगरका विभिन्न २१ संघ संगठनहरुले संयुक्त रुपमा विराटनगरमा सदभाव र्याली आयोजना गरेका थिए ।
