१७ भदौ, भक्तपुर । गाइजात्राको पर्सीपल्टदेखि सुरु भएको भक्तपुरको बोडेमा मनाइने निलबाराही नाच बिहीबार सम्पन्न भएको छ ।
चार दिनसम्म मनाइने यो नाचलाई बोडेको प्रख्यात जिब्रो छेड्ने र विस्केट जात्रापछिको ठूलो पर्वका रुपमा लिने गरिन्छ । यस नाचमा भैरव, निलबाराही, कुमारी, सिंह, द्वारपाल क्षेत्रपाल र गणेशसहितका देवगण नाच्ने गर्छन् ।
नाचलाई मूल ढोकाबाट निकालेपछि विभिन्न टोलमा रहेका देवालयको परिक्रमा गरिन्छ । नाचका क्रममा देवगणहरुले केही खाँदैनन् भने कसैसँग बोल्दैनन् र कहीँ बस्दैनन् ।
देवताको मुखुण्डो लगाएका देवगणहरु नाचिरहँदा घरघरबाट पूजा गर्नेहरुको घुँइचो लाग्छ ।
तस्वीरः विकास श्रेष्ठ/अनलाइनखबर
