सुभाषप्रसाद साह
२० भदौ, कलैया । संयुक्त लोकतान्त्रिक मधेसी मोर्चाको आन्दोलनमा प्रहरीको गोली लागेर मारिएका कलैया-१० रगंपुरका हेफाजत मियाँ अन्सारीको शवयात्रासहित अन्त्येष्टि गरिएको छ ।
मुस्लिम धर्मसँस्कृति अनुसार गाउँ नजिकैको ईदगाहमा उनको अन्त्येष्टि गरिएको हो । अन्त्येष्टि अघि कलैयाको भरत चोकबाट निकालिएको शव यात्रामा सैयौं सहभागि थिए । १९ वर्षीय अन्सारीको गत मङ्गलबार प्रहरीले प्रहार गरेको गोली लागेर मृत्यु भएको थियो ।
स्थानीय प्रशासन र आन्दोलनरत पक्षबीच अन्सारीलाई शहिद घोषणा र सम्मानको लागि गृहमन्त्रालयमा सिफारिस गर्ने आन्तरिक सहमति पछि परिवारका सदस्यहरुले उनको शव बुझेका थिए ।
आर्थिक अवस्था कमजोर भएका अन्सारी कलैयामा नाम चलेका अनुभवी साईकल मिस्त्री थिए । गरिबिकै कारण पढ्न नसकेर उनले साईकल मिस्त्रीको काम सुरु गरेका थिए ।
यो पनि पढ्नुस्
प्रतिक्रिया 4