२५ असोज, काठमाडौं । नेपाल सदभावना पार्टीकी सहअध्यक्ष सरिता गिरीले पार्टी परित्यागको घोषणा गरेकी छन् । तत्कालिन नेपाल सदभावना पार्टीकी अध्यक्ष गिरीले गत फागुनमा मात्र अनिल झा नेतृत्वको संघीय सदभावनासँग पार्टी एकता गरेकी थिइन् ।
उनले मधेसमा भइरहको आन्दोलनलार्इ निष्कर्षमा नपुर्याई आन्दोलनकारी दलहरू आफूले अस्वीकार गरेको संविधान अनुसार सरकार गठन प्रक्रियामा सहभागी हुँदा मधेसको आत्मसम्मानमा गहिरो चोट पुगेकी बताएकी छन् ।
उनले भनिन्, हिजोको घटनाले मधेस आँदोलन लाई पुनः एउटा चौबाटोमा खडा गरिदिएको छ । आन्दोलनकारी आफूलाई अत्यन्त अपमानित र उपेक्षित महसुस गरेका छन् ।’
उनले अब बुद्धिजीवी समूह र सामाजिक संघ संस्थासँग सहकार्य गरेर अघि बढ्ने समेत बताएकी छन् ।
