ठूला तीन दलका नेताहरु बेइमान हुन्: राई

१ वैशाख, उदयपुर। सङ्घीय समाजवादी फोरम (नेपाल)का वरिष्ठ नेता अशोक राईले नेपाली काँग्रेस, नेकपा एमाले र एकीकृत माओवादीका नेताहरु बेइमान भएको आरोप लगाएका छन् ।

फोरमको किराँत प्रदेशद्वारा मङ्गलबार सदरमुकाम गाईघाटमा आयोजित जनसभालाई सम्बोधन गर्दै नेता राईले भने , “हिजो मधेस आन्दोलन र जनजाति आन्दोलनको उत्कर्षमा रहेका बेला ठूला दलका नेताले आन्दोलनकारीको माग पूरा गरिदिने भन्दै सम्झौता गरे तर संविधान बनाउँदा धोका दिएर आफ्नो अनुकूलको संविधान बनाए ।”