७ वैशाख, काठमाडौं । काठमाडौंका विभिन्न स्थानमा चोरी गरेको आरोपमा महाराजगञ्ज प्रहरी बृतको टोलीले एक जनालाई पक्राउ गरेको छ ।
सोलुखुम्बु सल्यानका विशाल केसीलाई प्रहरीले चोरीको सामान सहित पक्राउ गरेको हो । विशालले सोमबार मात्रै बसुन्धरा स्थित ममता श्रेष्ठको टेलरमा दराज फुटाएर ५ तोला बराबरको सुनका गहना र १० हजार नगद चोरी गरेको महाराजगञ्ज बृतका डिएसपी विश्वमणि पोखरेलले जानकारी दिए ।
गहना नगद चोरेर फरार भएका विशाललाई बा ६० प १०३४ नम्बरको मोटरसाइकल , ३ वटा सुनको सिक्री, २ वटा औंंठी, सुनको एउटा पञ्चरत्नसहित पक्राउ गरेको हो ।
डिएसपी पोखरेलका अनुसार केसी विगतमा पनि काठमाडौंका विभिन्न स्थानका चोरी घटनामा संग्लग्न थिए ।
