२०७३ वैशाख १९ गते १०:०१ 
१९ वैशाख, काठमाडौं । स्पेनिस जाइन्ट बार्सिलोनाका ट्रिओ स्ट्राइकर एमएसएनले गत सिजन बनाएको आफ्नै गोल रेकर्ड तोेडेका छन् ।
शनिबार राति बार्सिलोनाले रियल बाटिसलाई २-० ले पराजित गर्दै लुइस स्वरेजले गोल गरे । यससँगै बार्सिलोनाका तीन स्ट्राइकर एमएसएन अर्थात लिओनल मेस्सी, लुइस स्वरेज र नेयमारले यो सिजन १२३ गोल गरेका छन् ।
गत सिजन एमएसएनले १२२ गोलको रेकर्ड बनाएका थिए । जसमा मेस्सीले ५८ गोल गरेका थिए । यो सिजन स्वरेज अगाडि छन् । उनले ला लिगामा ३५ गोल गरेका छन् र सिजनमा उनको व्यक्तिगत गोल संख्या ५४ पुगेको छ ।
अर्जेन्टिनी स्टार मेस्सीले ४० गोल गरेका छन् भने नेयमारले २९ गोल गरेका छन् ।
प्रतिक्रिया 4