१२ असार, काठमाडौं । विश्वब्यापी बन्दै गइरहेको अंग्रेजी भाषामा नेपाल प्रहरीलाई पनि दक्ष बनाउन भन्दै महानगरीय अपराध महाशाखाका प्रहरीलाई अंग्रेजी भाषाको प्रशिक्षण दिइएको छ ।
अर्विट इन्टरनेशलनले आयोजना गरेको २० दिने अंग्रेजी भाषा प्रशिक्षणमा महाशाखाका २६ जना प्रहरी अधिकृत तथा जवानहरु सहभागी थिए । सहभागीहरुले गत बैशाख २२ देखि जेठ १४ गतेसम्म अंग्रेजी भाषाको बिशेष कक्षा लिए ।
अंग्रेजी भाषा कक्षामा सहभागी भएकाहरुलाई आइतबार आयोजित एक कार्यक्रममा प्रमाणपत्र दिइयो ।
प्रमाणपत्र वितरण कार्यक्रमका महाशाखाका प्रमुख एसएसपी सर्वेन्द्र खनालले अपराध अनुसन्धानमा पनि अंग्रेजी भाषाको ज्ञान हुनु जरुरी हुन थालेेकाले आफू मातहातका प्रहरीलाई प्रशिक्षणमा सहभागी गराइएको बताए । उनले भने, ‘हरेक कर्मचारीलाई सेवामा रहँदामात्र नभइ पछिका दिनमा पनि अंग्रेजी भाषाको अवश्यकता उत्तिकै रहन्छ ।’
प्रतिक्रिया 4