बलिउड नायक सलमान खानकी बहिनी स्वेता रोहिराले आफ्नो घर विग्रनुको पछाडि नायिका यामी गौतमको हात रहेको आरोप लगाएकी छिन् । उनले यामीलाई ‘होम ब्रेकर’को समेत आरोप लगाइन् ।
पुलकित र यामीको प्रेमको कारण आफ्नो घर विग्रिएकाे आरोप स्वेताले लगाएकी छन् । यो बिषयमा अब नायिका यामी गौतमले पनि मौनता तोडेकी छिन् । उनले मिडियाको प्रश्नमा भनिन्-‘यस्तो वाहियात प्रश्नको जवाफ म दिन चाहन्न ।’
पुलकित र यामीको अफेयरको खबर मिडियाको आएको केही समय भयो । चलचित्र ‘सनम रे’को छायांकनको क्रममा यामीले पुलकितलाई खुबै माया गर्ने गरेको समाचार मिडियामा आएको थियो । केही समय अगाडि यामीले पुलकितको परिवारसँग भेटघाट पनि गरेकी थिइन् । उनले परिवारसँग लामो समय बिताएको गसिप बजारमा चर्चा छ ।
बलिउडकर्मी अहिले अर्काको घर विगार्न खुबै अगाडि देखिएका छन् । यस अगाडि पनि विभिन्न बलिउडकर्मीको घरवार विगि्रयो, जसको पछाडि अन्य बलिउडकर्मीको हात रहेको चर्चा हुँदै आएको छ ।
