म्यान्चेस्टर युनाइटेड तथा स्पेनिस टोलीका स्टार गोलरक्षक डेभिड डि जियाबिरुद्ध युरो २०१६ को समयमा लागेको यौन उत्पीडनको आरोपमाथि थप सुनुवाई नहुने भएको छ ।
युरोकप फुटबल सुरु हुनुभन्दा केहि दिन अघिमात्र एक बेश्याले जिया र उनका दुई साथीहरुबिरुद्ध यौन उत्पीडनको अरोप लगाएकी थिइन् । पि्रमियर लिगका नम्बर एक गोलरक्षकले यस आरोपको डटेर इन्कार गरेका थिए ।
जियासहित एथ्लेटिको विल्वाओका स्ट्राइकर आइकर मुनियान र अर्का पि्रमियर लिग खेल्ने स्पेनिस खेलाडीले सन् २०१२ मा मडि्रडको एक पाँचतारे होटलमा बेश्याहरुलाई जम्मा गराएर नांगो नाच देखाएको आरोप लागेको थियो । त्यसैबेला उनीहरुले उजुरीकर्ता बेश्यालाई उत्पीडन गरेका थिए ।
यस्तो आरोप लागेपछि तत्कालिन स्पेनिस प्रशिक्षक भिन्सेन्ट डेल वक्सलाई जियालाई प्रशिक्षणबाट निकालेर घर फर्काउन दवाव आएको थियो । तर अनुभवी प्रशिक्षकले उनलाई घर फर्काउनुको सट्टा स्पेनिस पोष्टको मुख्य जिम्मेदारी सुम्पिए । यस युरोमा उत्कृष्ट प्रदर्शन गरेका स्पेनिस खेलाडीमध्ये जिया सबैभन्दा अगाडि छन् ।
प्रहरी र न्यायाधीशले स्वेच्छिक यौन सम्पर्कका बेला भएको झगडाबारे आरोपितसँग बयान लिनुपर्ने आवश्यकता नरहेको बताएपछि जियाले राहतको श्वास लिएका छन् ।
२५ बर्षीय सुपरस्टार जियाले आफ्ना बिरुद्ध सामाजिक सञ्जाल र स्पेनिस मिडियामा बेइज्जत गरिएको बताएका छन् । उनले नखाएको बिष लागेको बताए ।
