१५ भदौ, नेपालगन्ज । बाँके कोहलपुरको एक होटलमा युवक मृत फेला परेका छन् ।
कोहलपुरको होटल पपलाईफमा बसे कोहलपुर-११ का ३० वर्षीय विकास राई मृत अवस्थामा भेटिएका हुन् ।
इलाका प्रहरी कार्यालय कोहलपुरका प्रहरी नायव उपरीक्षक सुरेशप्रसाद काफ्लेले सुर्खेतका ईश्वर थापाको नाममा कोठा बुक गरी मृतक समेत चारजना होटलमा बसेको जानकारी दिए ।
उनले उक्त कोठमा रहेका पवन श्रेष्ठ गम्भिर अवस्थामा भेटिएपछि उपचारको लागि अस्पताल पठाइएको जानकारी दिए ।
घटनास्थलबाट प्रहरीले अन्य दुईलाई नियन्त्रणमा लिएको जनाए । उनले कोठाको अवस्था शंंकास्पद रहेको जानकारी दिदै भने-‘कोठाको अवस्था शंकास्पद रहेको छ । कोठाभरी माधक पदार्थका बोतल छरपष्ट रहेको भेटिएको छ । मृतक राईको र गम्भीर घाइते रहेका पवनको शरीरमा कुनै पनि धारिलो हतियार प्रयोग भएको छैन, अनुसंधान मै छौ ।’
घाइते पवनको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको छ साथै मृतकको शव घटना मुचुल्का गरी पोष्टमार्टमको लागि पठाएको प्रहरीले जनाएको छ ।
प्रहरीले दिएको जानकारी अनुसार मृतक राई कतार एयवेजका कर्मचारी हुन ।