४ असोज, कामाडौं । बुद्धिष्ट जनअधिका मञ्च नेपालका पदाधिकारीले आफ्नै संस्थाका पूर्व पदाधिकारीलाई भूकम्पपीडितको पैसा हिनामिना गरेको आरोप लगाउँदै कारबाहीका लागि सरकारसँग अपील गरेको छ ।
मञ्चका तत्कालिन अध्यक्ष सकुन शेरचन र महासचिव डाक्टर अमरकान्त चौधरीले भूकम्पपीडितका लागि आएको रकम हिनामिना गरेकाले उनीहरुसँग रकम फिर्ता लिइ भूकम्पपीडितलाई वितरण गर्न बर्तमान कार्यसमितिले माग गरेको हो ।
मंगलबार रिपोटर्स क्लबमा पत्रकार सम्मेलन गरी बर्तमान कार्यसमितिका पदाधिकारीले शेरचन र चौधरीले जालसाँजी गरेर संस्था र सदस्यहरूको बद्नाम गरेको आरोप लगाए ।
कार्यक्रममा मञ्चका महासचिव दिपक पुन मगरले पूर्व अध्यक्ष शेरचनले भुकम्पपीडितको नाममा आएको रकम दुरुपयोग गरेको आरोप लगाए ।
भूकम्पपीडितहरुका लागि मञ्चको नाममा अमेरिका, भारत, अमेसिया लगायतका मुलुकबाट आएको १ करोड ६७ लाख ७८ हजार पाँच सय रुपैयाँ जालसाजी गरी हिनामिना गरेको मञ्चले जारी गरेको बिज्ञप्तिमा उल्लेख छ ।
मञ्चद्धारा जारी विज्ञप्तिमा भनिएको छ, ‘जालसाजी ठगी कागजातमा संसद एवम् निवर्तमान वातावरण मन्त्री विश्वेन्द्र पासवनको समेत हस्ताक्षर रहेको र उक्त गिरोहमा उनको उपस्थिति र संलग्नता भएको तथ्यमा हाम्रो संस्थाले गहिरो चिन्ता व्यक्त गर्दछ, मुलुकको महत्वपूर्ण निकाय व्यवस्थापिका संसदमा समावेश व्यक्ति यस्ता ठगीको गिरोहसँग जोडिएको देख्दा हामी अचम्मित भएका छौं ।’