७ कात्तिक, काठमाडौं । संस्कृति पर्यटन तथा नगरिक उड्डयनमन्त्री जिबन बहादुर शाहीले ऐन नियम र कानुनी अड्चनका कारण नेपाल वायुसेवा निगमको सेवा प्रभावकारी नभएको बताएका छन् ।
आइतबार अन्तर्राष्ट्रिय सम्बन्ध तथा श्रम समितिको बैठकमा मन्त्री शाहीले पुराना ऐन नियमका कारण आन्तरिक र बाह्य उडानमा रहेका विमानका पाटपूर्जा समेत समयमै ल्याउन नसक्दा विमानसेवा प्रभावकारी हुन नसकेको बताए ।
उनले सरकारले नेपाल वायु सेवा निगमका ट्वीनअटर विमान सञ्चालमा ल्याए पनि ठूला जहाजको मर्मत र पाटपूर्जा समयमै ल्याउन कानुनी झण्झट भएको उल्लेख गरे ।
मन्त्री शाहीले चरम राजनीतिकरण र कर्मचारीको असहयोगका कारण काम गर्न नसकिएको आरोप समेत लगाए ।
