+
+

भाइटीकाको उत्तम साइत ११ बजेर ५२ मिनेटमा

अनलाइनखबर अनलाइनखबर
२०७३ कात्तिक १६ गते ८:२५

tihar-kinmel-asan-14

१६ कात्तिक, काठमाडौं । नेपालीहरुको महान चाड तिहारको आज अन्तिम दिन अर्थात भाइटीका हो । पण्डितहरुका अनुसार आज भाइटीकाको उत्तम साइत मध्यान्ह ११ बजेर ५२ मीनेटमा रहेको छ ।

यमपञ्चकको पाँचौं दिन अर्थात कात्तिक शुक्ल द्वीतीयाका दिन आज बिहानैदेखि घर-घरमा तिहारको चहल-पहल सुरु भएको छ । दाजुभाइहरुले आफ्ना दिदी बहिनीका हातबाट टीका लगाउने चलन छ ।

दाजुभाइ वा दिदी बहिनी नहुनेहरुले नजिकका आफन्तसँग वा अन्य कसैलाई दिदी बहिनी वा दाजुभाइ मानेर टीका लगाउने चलन छ । कसैले मठ मन्दिरमा गएर पनि टीका लगाउने गर्दछन् ।

यमपञ्चकको पाँच दिन यमराजले विश्राम लिन्छन् र कसैलाई पनि यमलोक लैजाँदैनन् भन्ने मान्यता छ । आज यमराजले पनि आफ्नी बहिनीसँग टीका लगाउने पौराणिक कथन छ

भाइटीका लगाउन आज दिदी बहिनीका घरमा जाने वा दिदी बहिनीहरु माइतमा भेला हुने भएकाले आजको दिन निकै प्रायः सबैतिर चहल-पहल बढ्ने गर्छ ।
राजधानी काठमाडौंका सडकहरु मंगलबार बिहान सुनसान देखएकिा छन् भने भाइटीकामा सामाग्री विक्री गर्ने पसलहरु भने सामान्यतः खुलेका देखिन्छन् ।

यमपञ्चकको पाँच दिन यमराजले विश्राम लिन्छन् र कसैलाई पनि यमलोक लैजाँदैनन् भन्ने मान्यता छ । किंवदन्ती अनुसार आफ्नो दाजुलाई लिन आएका यमदूतलाई बहिनीले भाइटीका नलगाई नलैजान भनेपछि यमराजले त्यसै गरेको र यमपञ्चकभरि काल आइसकेको दाजुको मृत्यु टरेको हुनाले तिहारको पाँच दिनलाई यमपञ्चक भनिएको हो ।

आजको दिन यमराजले पनि आफ्नी बहिनीसँग टीका लगाउने पौराणिक कथन छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?